18 ნოემბერს ბიზნეს საკონსულტაციო კომპანია Start - Business Solutions-ისა და ქართული სტარტაპების ასოციაციის ორგანიზებით გაიმართა ღონისძიება Start in Georgia, რომლის სპონსორი იყო იურიდიული კომპანია McGill Legal. ღონისძიება მოიცავდა საგამოფენო და სემინარების სივრცეს. 

გამოფენა პრეზიდენტის ადმინისტრაციის უფროსმა გიორგი აბაშიშვილმა გახსნა. პავილიონში წარმოდგენილი იყო მეწარმეების მხარდამჭერი ორგანიზაციები. 

სემინარებისთვის განკუთვნილ სივრცეში მთელი დღის განმავლობაში 15-მა სპიკერმა ისაუბრა სტარტაპებისა და დამწყები მეწარმეებისთვის საჭირო და საინტერესო სხვადასხვა თემასთან დაკავშირებით: სახელმწიფო პროგრამა მცირე ბიზნესების ხელშეწყობისთვის "აწარმოე საქართველოში", ბრენდინგი დამწყები ბიზნესისთვის, ბიზნესის დაფინანსების შესაძლებლობები, რეკლამის ახალი მეთოდები, ორგანიზაციული სტრუქტურის მოწყობა, და ბიზნესთან დაკავშირებულ სხვა საკითხებზე.

 

გამოფენაზე წარმოდგენილი იყო სახელმწიფო და კერძო ორგანიზაციები, ფონდები და პროგრამები, რომლებიც ხელს უწყობენ სტარტაპებისა/დამწყები ბიზნესების შექმნასა და განვითარებას. მონაწილეებს შორის იყვნენ:

 

 

სულ 37-მა ორგანიზაციამ უმასპინძლა 5 000-ზე მეტ სტარტაპერს, დამწყებ მეწარმესა და სხვა დაინტერესებულ პირს.